Tlholegong ya bona Babirwa ba tšwa lefaseng leo le lego gare ga Letswalo le Mamabolo le Tsaneng(Tzaneen). Ba bina nare(buffalo). Ge ba etšwa borwabohlabela, ba ile ba aga Botlokwa mme ba buša ba fetela bodikela nageng ye go dulago Bahananwa. Lehono Babirwa ba tswakane le Batlokwa le Bahananwa, ba gaSeleka mme ba tsebja fela ka maina a go swana le Molaba, Makhura, Maila, Lehong, Kabe, Mmamadi le Serumula.